Лидерот на Алијансата за Албанците, Арбен Таравари, во интервју за „Лајм ТВ“ и весникот „Лајм“, изјави дека Албанците и Македонците треба да започнат нов историски договор по изборите.
Овој договор, според Таравари, ќе воспостави нови односи, така што ниту едната страна нема да зависи од тоа кој ќе биде на власт, а кој во опозиција.
„Мислам дека на Албанците и Македонците, како и на 90 проценти од населението во Северна Македонија… им е потребен нов историски договор, во кој ќе воспостават односи што секогаш ќе бидат функционални и што нема да зависат од тоа кој е на власт, а кој е во опозиција“, рече Арбен Таравари, во интервју за весникот „Лајм“ и „Лајм ТВ“.
