Пресметка меѓу две групи избила вечерва во Чаир, за време на изборниот состанок на Демократската унија за интеграција (ДУИ) во близина на ресторанот „ФАФА“, каде што присутни биле и партискиот лидер Али Ахмети, како и кандидатот за општина Чаир, Бујар Османи, јавуваат медиумите на албански јазик.
Настанот се случил околу 19:00 часот, за време на собир што беше најавен како средба со политичкиот актив на ДУИ во Чаир. Според очевидци, по вербална расправија меѓу присутните, ситуацијата ескалирала во физичка пресметка, предизвикувајќи тензии и хаос.
Информациите од местото на настанот говорат за тепачка со тупаници и турканици, во која биле вклучени повеќе лица.
Незадоволството во ДУИ е очигледно, особено поради лошата состојба на теренот, пишуваат медиумите наалбански јазик.
