Општина Гази Баба од почетокот на 2025 година најмногу издвоила за Реконструкција на домот на култура 11 Октомври-Ченто каде на фирмата ИТЕК системс ДООЕЛ Гевгелија им се исплатени 84.239,383 милиони денари или 1,369 милиони евра, а договорот е склучен на 9 јануари оваа година.
959,350 илјади евра добила фирмата за завршни занаетчиски работи во градежништвото Дамјан Силјановски и др ДОО увоз-извоз за ревитализација и рехабилитација на улиците , патиштата и паркинзите во општина Гази Баба. Договорот бил склучен на 11 март.
За изградба на детската градинка во Инџиково фирмата Вардарградба ДОО од село Трубарево, Скопје добила 772,287 илјади евра (47,495,683 милиони денари), а договорот е склучен на 10 февруари 2025 година.
Општина Гази Баба на 20 февруари склучила договор за изградба на паркинг простори, тротоари, велосипедски патеки, плоштади на територија на општината за сума од 382,114 илјади евра (23,500,00 милиони денари) со фирмата Пирамид Билдинг солушнс ДОО Увоз-извоз од Скопје.
За набавка на електрична енергија за потребите на општина Гази Баба се издвоени 325,203 илјади евра на тендер кој го добила компанијата Енерџи деливери Солушнс АД Скопје, а договорот е склучен на 2 јуни, 2025 година.
