58-годишната Александра Филих, чии романи беа меѓу најпродаваните во Германија, беше пронајдена мртва во вторник наутро, соопштија истражните органи. Истрага за убиство е започната откако позната германска писателка беше пронајдена мртва на брод во Хамбург откако беше насилно нападната, соопшти полицијата, објавува Гардијан.
Случајот брзо премина во рацете на одделот за убиства откако беше утврдено дека била нападната, објави Гардијан. Властите одбија да дадат повеќе детали, освен да кажат дека е собран форензички материјал и дека е доставен извештај од медицински испитувач.
Според извештаите на локалната телевизија НДР, повикувајќи се на полициски извори, Фрилих била застрелана, пишува Гардијан.
Истражителите упатија апел до потенцијални сведоци кои можеби забележале сомнителна активност околу долгиот розов брод каде што живеела Фрилих, покрај брегот на Холжафен, на реката Елба во источниот дел од округот Морфлет.
Нејзиното тело го открил нејзиниот син во вторник наутро, според полицијата, која верува дека починала помеѓу полноќ и 5:30 часот наутро, објавува Гардијан.
Медиумите објавија дека нуркачи биле на местото на злосторството, поради шпекулациите дека оружјето можеби било фрлено во Елба.
Фрилиќ ја започна својата кариера како новинарка, првично во Украина, каде што основа женско списание во Киев. Подоцна работеше како новинарка на слободна пракса во Германија за женски и други списанија како што е „Штерн“, пред да се сврти кон пишување романи.
