Постепеното укинување на монетата од еден цент би можело да ги чини Американците околу 6 милиони долари годишно, бидејќи трговците ќе ги заокружуваат купувањата во готово на најблиската монета од пет центи, според студијата на филијалата на централната банка во Ричмонд.
Владата на САД ќе престане да кова монет од еден цент почетокот на следната година, бидејќи генерираше загуби. Минатата година, Министерството за финансии регистрираше загуба од 85,3 милиони долари на монетата од еден цент поради разликата помеѓу нејзината номинална вредност и трошоците за производство.
Според американската ковница, производството и дистрибуцијата на монета од еден цент чини 3,69 центи.
Истражувањето беше нарачано од Федералните резерви
Врз основа на Дневникот за избор на плаќање на потрошувачите (DCPC) од 2023 година, економистите во филијалата на Федералните резерви во Ричмонд пресметаа дека елиминирањето на монетата од еден цент и заокружувањето на најблиските пет центи би резултирало со „данок на заокружување“ што би можел да ги чини американските потрошувачи околу 6,06 милиони долари годишно.
DCPC е анкета нарачана од Федералните резерви која ги следеше реалните плаќања на национално репрезентативен примерок од потрошувачи помеѓу 29 септември и 2 ноември 2023 година.
Економистите во филијалата на Федералните резерви во Ричмонд, Вирџинија, исто така го истражуваа сценариото за елиминирање на никелот од производството на монети. Овој потег би ги зголемил трошоците за американските граѓани преку заокружување на износите при плаќање во готово за 56 милиони долари годишно, покажа студијата.
