Власта има лоши економски политики, ниту пак води грижа за работниците во било кој сектор и воопшто нема најава за зголемување на платите.
Не може државата да се движи напред, не може луѓето да дадат сè од себе во својот работен процес ако не се стимулирани, а не се. Едноставно, не можат да врзат крај со крај, рече денеска во одговор на новинарско прашање, претседателот на СДСМ, д-р Венко Филипче.
Државата тоне во економска несигурност, додека Владата на ВМРО-ДПМНЕ нема никакви политики за раст на платите и подобар животен стандард.
„Жалам што има лоши економски политики, кои едноставно ниту пак имаат грижа за работниците во било кој сектор и нема најава за зголемување на платите. Луѓето кубурат, цените се огромни, владата не прави ништо да ги исконтролира, ниту во маркетите, ниту пак има некакви добри економски политики коишто во иднина ќе донесат добро. Не може државата да се движи напред, не може луѓето да дадат сè од себе во својот работен процес ако не се стимулирани, а не се. Едноставно, не можат да врзат крај со крај. Имаме сериозни забелешки во делот на грижата за наставниците, а тоа се тие се тие коишто се грижат за едукативниот процес на учениците. Ако наставниците не се стимулирани, а не се, ниту пак има некакво зголемување на платите, ниту пак има најава дека платите на наставниците ќе се зголемат, тогаш имаме сериозен проблем. А тоа е нешто што сериозно недостасува во државата.“, рече Филипче.
Гледаме можност за сериозна криза, додаде Филипче потенцирајќи го падот на директните странски инвестиии.
„Странските инвестиции од над 500 милиони евра се намалени во првата половина од оваа година, ако ја споредиме со ланската, на 220 милиони. Тоа е само еден доказ дека владата води лоши политики“ рече претседателот на СДСМ, Венко Филипче.
