По декади запуштеност се чисти Железничката станица во Скопје, сподели директорот на Македонски железници – Инфраструктура, Синиша Ивановски.
Железничката станица во Скопје треба да претставува гордост на главниот град.
Декади запуштеност и немање институционална и општествена грижа за жал ја претвори во тотално нерепрезентативен објект „накитен“ со билборди, постери, графити, несоодветни содржини, недоволна хигиена. Превземаме мерки за подигнување на нивото на надворешниот и внатрешниот изглед на Железничката станица Скопје преку долготрајна акција и сет на активности, сподели Ивановски.
За старт, откри тој, се отстранија сите билборди и светлосни реклами. Како што вели директорот, остана уште една светлосна на „Хамза донер“, кои одбиваат да ја извадат, а доколку не ја отстранат во рок од 7 дена договорот за закуп ќе им биде раскинат. Се отстранија сите информативни постери кои со години се напластени, а се продолжува со генералната хигиена.
Во моментов заедно со Архитектонскиот факултет работиме кон проектирање на целосна реконструкција на железничката станица, а со ИЗИИС ја проверуваме конструкцијата на самата станица.
Процесот на враќање на нормалниот изглед на железничката станица нема да е лесен процес, но да почнеме денес
П.С. Во склоп на објектот има станица на МВР, им благодариме за секојдневната соработка и помош, сподели Ивановски.
