Новак Ѓоковиќ и неговиот тренер Енди Мареј се разделуваат по шест месеци заедничка работа, објави денеска српскиот тенисер.
Разделбата меѓу Ѓоковиќ и Мареј доаѓа на само три недели пред почетокот на Ролан Гарос.
Ти благодарам, Енди. Работевме многу заедно и се забавувавме и на теренот и надвор од него. Мило ми е што сме пријатели, напиша Ѓоковиќ на социјалните мрежи.
Мареј, од своја страна, му посака успешна сезона на Ѓоковиќ.
Му се заблагодарувам на Новак за можноста да работиме заедно и на неговиот тим за сè што направија во последните шест месеци. Му посакувам на Новак сè најдобро до крајот на сезоната и во иднина, објави Мареј.
Следната недела, Ѓоковиќ ќе учествува на тенискиот турнир во Женева.
