Градоначалникот на Град Скопје, Орце Ѓорѓиевски, им порача на скопјани дека најгорливиот проблем во изминатите неколку години – проблемот со јавниот превоз – наскоро заминува во историјата. Изјавата на скопскиот градоначалник следува откако премиерот Христијан Мицкоски објави дека Владата обезбедила средства за набавка на 150 електрични автобуси од кои 100 ќе бидат наменети за Град Скопје.
Скопје ќе добие 100 нови, современи и целосно еколошки градски автобуси, чекор што ќе го промени секојдневието на илјадници граѓани кои го користат јавниот превоз. Тоа значи безбеден, навремен и достоинствен јавен превоз, но и силен удар во корист на заштита на здравата животна средина и чистиот воздух, наш приоритет што го должиме на нашите деца и идните генерации“,вели Ѓорѓиевски, додавајќи дека почнува нов почеток за главниот град.
Градоначалникот додава дека одлуката за набавката е дел од стратешкиот договор влада со влада помеѓу македонската и владата на Унгарија, што, како што вели, овозможува набавка по исклучително поволни услови.
Ѓорѓиевски во оваа смисла му заблагодари на премиерот Христијан Мицкоски за поддршката без која, како што рече, ништо од ова што се случува не би било возможно
