Ирачкиот парламент ги усвои амандманите на законот за семејство кои би можеле да доведат до намалување на возраста за брак на 15 години за момчињата и девет за девојчињата, јавува денеска Тасс и наведува дека измените на законот се усвоени како единствен пакет заедно со уште два предлог-закон, на кој се спротивставија многу пратеници.
Претседателот на ирачкиот законодавен совет Махмуд ал-Машадани најави гласање за три закони истовремено, кои некои ги сметаат за нелегитимни, а гласањето го призна за валидно и успешно и покрај недоволниот број на гласови „за“.
Веднаш по гласањето, група ирачки парламентарци потпишаа петиција со која бараат оставка на претседателот, а некои од нив планираат да ја оспорат уставноста на усвоените акти.
Измените на законот 188 „За личниот статус“, усвоен во 1959 година и претставувајќи го семејното право на Ирак, предизвикаа гнев во јавноста.
Во сегашната верзија, бракот е доброволна заедница меѓу работоспособен маж и жена кои наполниле 18 години, додека во посебни случаи бракот е дозволен на 15 години.
Со усвоените измени се коригираат ставовите 2 и 10 од Законот за семејство и се овозможува склучување на бракови во согласност со религиозните норми, особено оние пропишани во шиитската гранка на исламот, која ја следи значителен дел од ирачкото население.
Така, шиитските теолози сметаат дека соодветната возраст за брак е девет години за девојче и 15 години за момче бидејќи, според нивното мислење, децата и адолесцентите на оваа возраст веќе се „морално подготвени“ за брак.
Новата верзија на Семејниот законик, по неговото усвојување во парламентот, мора да биде ратификувана од претседателот на земјата и дури тогаш може да се смета дека е стапена во сила, додава Тас.
