Владата најавува инвестиција во еколошки превоз.
Владата ќе набави 120 еколошки автобуси за јавен превоз, од кои 80 ќе бидат наменети за Скопје, со цел да се обнови возниот парк на ЈСП и да се подобри јавниот превоз во главниот град. Останатите 40 автобуси ќе бидат распределени според економската оправданост и реалните потреби на општините.
„Со оваа набавка, очекуваме значително подобрување на квалитетот на јавниот превоз и намалување на загадувањето на воздухот во општините“, соопштија од Владата.Од Министерството за транспорт информираат дека средствата за набавката се обезбедени од буџетот на Министерството, а одлуката ја донеле поради писмата за интерес доставени од единиците на локалната самоуправа.
