Лидерот на ДУИ, Али Ахмети, вели дека нема никаков контакт со бегалците Артан Груби и Пермарим Бајрами кои се бараат со меѓународна потерница. Тој додаде дека не е истражен орган и потенцираше дека не е негова работа да ја знае нивната локација.
„Јас не работам ниту во обвинителство, ниту во истражните органи, сигурно тие не се на места далеку од регионот, но не сум јас тој кој треба да ја открие нивната локација. Не, немам комуникација“, рече Ахмети.
Груби и Бајрами се осомничени дека се соучесници во кривично дело „Злоупотреба на службената положба“, за кое се предвидени најмалку четири години затвор. Според Обвинителството, во случајот е направена штета од над 500 милиони денари (околу 8,2 милиони евра).
Името на Артан Груби веќе фигурира на американската црна листа поради примање поткуп, а според обвинувањата, тоа било со цел да се спаси од одговорност поранешниот директор на УБК, Сашо Мијалков
