Повеќе од половина од Германците, доколку имаат добра можност, би ја напуштиле земјата и би отишле да живеат во странство, првенствено во Швајцарија или Австрија.
Во најновото истражување на агенцијата ЈуГов, испитаниците ги навеле миграцијата и економските предизвици како главни причини за желбата да ја напуштат земјата, објавува Велт.
Според истражувањето, 31 процент од испитаниците рекле дека дефинитивно би се преселиле во странство доколку имаат целосна слобода на избор, без ограничувања поврзани со работата, личниот живот или финансиите. Други 27 проценти велат дека „веројатно“ би заминале.
Од друга страна, 22 проценти одговориле „веројатно не“, а 15 проценти рекле дека „дефинитивно не“ би размислувале за преселба.
Меѓу оние кои рекле дека можат да замислат преселба во странство, 36 проценти забележале дека помислата за напуштање на Германија им поминувала низ глава почесто во последните месеци.
Во рамките на оваа група, 61 процент ја навеле имигрантската ситуација во земјата како главен фактор. Покрај тоа, 41 процент ја навеле моменталната рецесија во Германија како причина за размислување за емиграција.
Од Швајцарија до Канада
Дванаесет проценти од испитаниците изразија загриженост за можно намалување на заштитата на САД за Европа поради претседателствувањето на Доналд Трамп, додека 36 проценти наведоа „други причини“ за желбата да заминат.
Цени во Швајцарија
Според анкетата, испитаниците кои би размислиле за емигрирање најчесто ги наведоа другите земји што зборуваат германски како претпочитани дестинации. Швајцарија беше на врвот на листата со 30 проценти, по што следува Австрија со 23, потоа Шпанија со 22 и Канада со 17 проценти.
Германија останува единствената земја од Г7 што не забележа економски раст во последните две години. Меѓународниот монетарен фонд предвидува дека Германија ќе продолжи да заостанува зад своите колеги од Г7 во 2025 година, со очекуван раст од само 0,1 процент.
И покрај економското забавување, Германија останува водечка дестинација во ЕУ за баратели на азил. Во 2024 година, земјата прими над 237.000 барања – повеќе од една четвртина од сите барања поднесени во 27-те земји-членки на блокот.
