Доктор Сашко Кедев го искачи врвот Kanchenjunga (8,586m), третиот највисок врв на светот. Познатиот македонски кардиолог и алпинист беше дел од 10-члената група на Imagine Nepal, која на 23 мај го искачи овој врв.
На Кедев му остана уште врвот Gasherbrum-I, за да ги комплетира сите 14 таканаречени „осумилјадарки“, врвови кои се повисоки од 8.000 метри надморска височина и главно се наоѓаат на Хималаите. Со 13. искачен врв тој е на чекор до магичниот сон да круниса еден неверојатен циклус од страшни подвизи.
Неодамна, на 15 мај, д-р Кедев се искачи на Лоце (8.516 метри), четвртиот највисок врв во светот. Пред само десет дена Кедев се искачи и на Макалу висок 8.463 метри.
За искачувањето на Лоце, Кедев доби пофалби и поддршка на Фејсбук од Имаџин Непал, водечки оператор во трекинг и искачување на врвови во Непал.
Sashko Kedev summits Kanchenjunga (8,586)—the world’s 3rd highest peak! This marks his 13th out of 14 eight-thousanders.
Сашко Кедев на врвот на Канченџунга (8,586) – третиот највисок 🗻 на 🌎 #Macedonia pic.twitter.com/qlglSV1RQL
— Ganka Cvetanova (@gankacv) May 26, 2025
