Скопје вчера се најде на третото место на листата на најтопли градови во Европа, со измерени 41,7 степени Целзиусови во скопското село Петровец, во периодот од 14 до 15 часот. Податоците ги објави метеоролошкиот портал „Огимет“, кој ги собира и објавува температурните екстреми од целиот свет.
Најтопло беше во турскиот град Ајдин – 42,6 степени, а потоа следува Фетије, исто така во Турција, со 41,7 степени.
По Скопје, со температура од 41,2°C, се најдоа Мерида (Шпанија) и Серес (Грција).
Во светски рамки, највисоката температура денес е измерена во Кувајт – 47,2°C, додека најстудената беше во руската антарктичка база Восток од -75,5°C.
