Триесет и четири годишната Билјана Ј.А. од Прилеп, за која вчера беше пријавено дека е исчезната, е пронајдена и е жива. Веста ја потврди нејзината сестра преку објава на социјалните мрежи.
„Ви благодарам на секоја помош. Билјана е пронајдена, жива е“, напиша кратко нејзината сестра на Фејсбук.
Билјана беше исчезната повеќе од 24 часа, што предизвика загриженост кај нејзините блиски и пошироката јавност. Засега не се објавени детали за околностите под кои е пронајдена, ниту нејзината здравствена состојба.
