Поранешната прва антикорупционерка Татјана Димитровска се враќа на старото работно место во Државниот завод за ревизија, потврдуваат од институцијата за Сител.
Еден ден откако Собранието и ја констатираше оставката таа поднела барање до ДЗР да се врати на позицијата помошник на главниот државен ревизор.
Првиот ревизор за Сител потврдува дека го добил барањето.
Согласно решението од 5ти февруари 2024, нејзиното работно место е во мирување и има право да се врати на истата позиција по престанокот на функцијата во антикорупциска која ја извршуваше до вчера.
Судот нема изречено мерка со која на Димитровска и се ограничува правото на работна ангажираност во државниот завод за ревизија.
Инаку таа е осомничена во рамки на случајот адитив за оддавање службена тајна но и за незаконско стекнување со сертификатот за пристап до службени тајни кој наместо неа и го полагал колега од државна ревизија.
