Претседателот на Комисијата на Агенцијата за електронски комуникации (АЕК), Орце Симов, за „Слободен печат“ тврди
дека во ротирачкиот ресторан во телекомуникациската кула на Водно нема да има никакви веселби, и дека патот до
таму нема да отвара за возила.
Моментално со возило до кулата може да стигнете само ако имате специјална дозвола, а патот со рампа е затворен на
Средно Водно.
-Нема да има ни свадби ни веселби, ниту се планира да се отвори патот. Таму има четири платформи, едната е за војска
и полиција, заедно ќе ја делат. Втората е за мобилните оператори, третата е за македонска радиодифузија и четвртата,
највисоката, е за туристичко угостителска дејност.
Таа е ротирачка, прави еден круг за еден час и ќе има масички и столчиња, но нема да има ни скари ни јадење, ќе има
кафе, сок за посетителите. Значи патот нагоре нема да се отвора, а работното време уште не е дефинирано, вели Симов
и додава дека оваа платформа ќе се изнајми некому за да стопанисува со неа.
