Весникот „Билд“, објавува дека 17-годишен ученик нападнал наставничка со нож во округот Нордвиртел во Есен.
Наводно ја избодел во стомакот. Жртвата е тешко повредена и се очекува да биде подложена на итна операција во универзитетската болница. Сè уште не е јасно дали нејзиниот живот е во опасност.
Според „Билд“, напаѓачот е 17-годишник од Косово. Тој е ученик во училиштето каде што се случил нападот.
Сè уште не е јасно дали бил на час или влегол во училницата. Наводно ѝ се приближил на наставничката и ја избодел, а потоа веднаш по нападот избегал.
Кратко по злосторството, полицијата добила пријава за сомнително лице во парк кое одговарало на описот на сторителот. Кога полицијата се обидела да го провери осомничениот, тој наводно истрчал директно кон полицајците со нож. Потоа бил застрелан од полицијата.
