Чоколадото е омилена храна за многумина, а неговите цени вртоглаво скокнаа. Имено, цената беше под влијание на лошата жетва на какао во Гана и Брегот на Слоновата Коска. Полска забележа раст од 39,1%, што е најголемо зголемување во Европската Унија.
Низ цела Европа, цените во мај беа во просек за 21,1% повисоки од претходната година, според податоците на Евростат.
Други земји кои забележаа значителни скокови на цените се Естонија (+37,9%), Литванија (+36,5%), Латвија (+33,2%), Шведска (+28,0%) и Финска (+26,0%), пишува Euronews. Од друга страна, растот на цените беше поблаг во Луксембург (+5,2%), Кипар (+9,0%), Италија (+12,0%), Малта (+12,2%) и Австрија (+13,4%).
Какаото, кое претходно се продаваше по цена помеѓу 2.000 и 3.000 евра по тон, во еден момент достигна цени и до 13.000 евра по тон. Во текот на сезоната 2023/2024, глобалниот пазар на какао забележа пад на производството. Меѓународната организација за какао процени дека производството е намалено за околу 10% во споредба со претходната сезона.
(Euronews)
