За прв пат откако агенцијата INSA спроведува истражување за Bild, Алтернатива за Германија се појави на првото место
За прв пат откако агенцијата INSA спроведе истражување за „Bild“, Алтернатива за Германија се појави на првото место, како најпопуларна политичка сила во Германија.
Последната анкетa покажува дека десничарската AFD ги престигнува CDU/CSU, искачувајќи се на 26 проценти поддршка. Тоа е нивниот највисок рејтинг во анкетите на INSA досега!
CDU/CSU заостанува зад најголемата опозициска партија со 25 проценти.
SPD исто така малку се зголеми, за еден процент, добивајќи 15 проценти. Зелените паднаа на 11 проценти (-1), изедначувајќи се со Левицата (11 проценти), која не ја промени својата позиција. Сите други партии останаа стабилни.
Според моменталното расположение на гласачите, црно-црвената коалициска влада под канцеларот Мерц и вицеканцеларот Ларс Клингбаил (SPD) нема да има мнозинство со само 40 проценти.
Дури и црвено-црвено-зелената алијанса нема да има доволно мнозинство за да владее со само 37 проценти.
Ситуацијата е поинаква ако CDU/CSU и AFD се обединат: двете партии би имале јасно мнозинство од 51 процент. А овој пат, AFD би била уште посилен партнер.
Откако INSA почна да ги прави анкетите за „Билд“, CDU/CSU или SPD секогаш биле во водство. До оваа недела.
Од друга страна, „Јуроактив“ објавува анкета на Политбарометар, која покажува дека десничарската партија Алтернатива за Германија (AfD) и Христијанско-демократската унија (CDU), партијата на германскиот канцелар Фридрих Мерц, се изедначени во рејтингот, со по 26 проценти поддршка од гласачите.
AfD претходно беше на врвот на анкетите по порастот на популарноста во текот на изминатата година, но најновите извештаи укажуваат на стабилноста на партијата и нејзината потенцијална закана за Мерц.
