Кандидатката за градоначалничка на Кисела Вода, Бети Стаменкоска Трајкоска денес беше на кафе-дружба со родителите на нашите најмили и најмали дечиња во градинките.
-Покрај големата благодарност за сè досега направено од градоначалникот Орце Ѓорѓиевски, поразговаравме и за тоа како уште повеќе да ги подобриме условите во градинките. Убаво е да се чуе сечие мислење, затоа што сите имаме иста цел – нашите најмили да поминуваат квалитетно време во градинките, каде што ќе се дружат, ќе учат и ќе се рекреираат, истакна таа.
Стаменкоска Трајкоска порача: „Заеднички договоривме да продолжиме со посветена работа и во иднина – заедно да создаваме уште подобри услови, затоа што тие се нашата најголема радост, љубов и иднина“.
