Капитенот на фудбалската репрезентација на Македонија, Енис Барди, стана татко.
„Нашиот фудбалер Енис Барди и неговата почитувана сопруга Фестина добија ќерка, Аја. Му честитаме на семејството Барди и му посакуваме на бебето Аја среќен и здрав живот“, објави на Инстаграм неговиот клуб, турскиот суперлигаш Коњаспор.
Триесетгодишниот Барди е трет стрелец на вечната листа на македонскиот национален тим со 19 гола на 75 натпревари, пред две години стана и капитен, а за Коњаспор, кому му пристапи на 12 јули, погоди двапати во досегашните шест настапи.
