Во четвртата сезона од партнерството помеѓу шпанскиот клуб и германскиот производител на автомобили, играчите ќе користат најширок спектар на возила и опции за мотори.
На церемонијата на презентација, тимот позираше покрај „BMW iX3“, првиот во новата генерација електрични возила на брендот, кој, според „BMW“, совршено ја отелотворува комбинацијата од спортски дух, технологија и одржливост.
Најпопуларниот „BMW i7“
Првиот автомобил го избра тренерот Чаби Алонсо, кој се одлучи за „BMW i7“. Цената на овој модел започнува од 135.000 евра, а моторот од 544 КС дава максимална брзина од 240 км/ч.
Овој модел беше најпопуларен меѓу играчите, бидејќи го избраа: Едер Милитао, Дани Карвахал, Винисиус Жуниор, Арда Гулер, Антонио Ридигер, Ендрик и Раул Асенсио.
Истиот модел го избра и Килијан Мбапе, иако веројатно го избрал врз основа на тоа кое совозачко седиште му било најудобно, бидејќи сè уште нема ниту возачка дозвола.
„BMW i7“ располага со технологија „BMW eDrive“ од петтата генерација и се одликува со импресивен опсег и моќност, што го прави идеален за патувања на долги релации, се вели во соопштението.
Тие исто така додадоа дека „BMW XM“ е првиот самостоен „BMW M“ модел по 2BMW M1“.
„Неговиот високо-перформансен надворешен дизајн оддава почит на легендарниот спортски автомобил со мотор поставен во средината и „M HYBRID“ погонски склоп способен да помине до 88 километри во 100% електричен режим, идеален за градско и меѓуградско патување“, се вели во соопштението.
