На плоштадот ЗАВНОБИХ во сараевската општина Нови Град ноќеска околу 23:15 часот се случила експлозија, вознемирувајќи ги жителите на населбата Алипашино Поље, објави Ослобоѓење.
Министерството за внатрешни работи на Сараевскиот кантон потврди дека е активирана непозната експлозивна направа.
„Дежурниот обвинител во Обвинителството на Сараевскиот кантон го оквалификува настанот како кривично дело предизвикување општа опасност и оштетување туѓ имот.
Полициските службеници продолжуваат со активностите за документирање на кривичното дело и пронаоѓање на сторителот“, изјави Министерството за внатрешни работи на кантонот Сараево.
Форензичките екипи собираат докази од местото на настанот, а пошироката област околу местото на експлозијата на бомба е обезбедена со полициска лента.
