Резултатот од локалните избори е најлош во историјата на Социјалдемократскиот сојуз на Македонија, изјави пратеникот и поранешен министер за внатрешни работи Оливер Спасовски, во интервју за телевизија Алсат-М. Тој порача дека партијата се наоѓа во сериозна криза која бара длабока анализа и редефинирање на нејзините политики.
Резултатот од 126.000 гласови претставува дно и јас би сакал тоа да биде дното на кое сите ќе застанеме. Тоа ме загрижува, но и мотивира да видиме што треба да се направи понатаму – изјави Спасовски.
