Нова радосна вест пристигна од Клиниката за детски болести во Скопје, каде повторно одекна „победничкото ѕвонче“ – симболот на успешно завршена борба со тешка болест. Овојпат, ѕвончето го заѕвони храбриот Дамјан, кој по долг и тежок период на лекување ја извојува својата најважна победа.
Од Клиниката соопштија дека Дамјан ја поминал и ја освоил битката со огромна храброст и издржливост, а медицинскиот тим упати искрени честитки за неговото оздравување.
„На Дамјан му посакуваме многу здравје и среќно, безгрижно детство“, порачаа од Клиниката, споделувајќи ја радоста со семејството, персоналот и сите што го следеа неговото закрепнување.
