Откако полицијата повторно ги блокираше пратениците од опозицијата кои се обидуваа да влезат во зградата на парламентот во Белград, пред зградата дојде до туркање и физичка пресметка. Пратениците од опозицијата се обидоа да поминат низ таканаречениот Ќациленд, шаторска населба пред влезот, повикувајќи се на вчерашното ветување на претседателката на парламентот Ана Брнабиќ дека ќе им биде дозволено, објавува nova.rs.
Ескалацијата се случи кога пратениците од Народното движење на Србија Ѓорѓе Станковиќ и од Зелено-левичарскиот фронт Богдан Радовановиќ се обидоа да отстранат шатор поставен на самите скали пред парламентот, по што беа нападнати од луѓе од протестниот камп и полицијата.
Ова е втор ден по ред инциденти на влезот во парламентот. Полицијата вчера се судри со пратениците од партијата Србија центар (Срце), предводена од Здравко Понош, кои исто така се обидоа да влезат на главниот влез преку Ќациленд.
Ćacilend upravo pic.twitter.com/XyAbgYkNsn
— Stranka slobode i pravde (@SlobodaIPravda) November 26, 2025
Веднаш по тој инцидент, пратениците од опозицијата, на средба со претседателката на парламентот, Ана Брнабиќ, побараа оградата околу шаторската населба да се помести за да можат непречен пристап до своите работни места.
Српскиот претседател Александар Вучиќ вчера на прес-конференција изјави дека ќе има иницијатива „во врска со шаторите“. Иако не разјасни за што станува збор, неговата изјава сугерира дека кампот наскоро би можел да се отстрани.
„Наскоро ќе имам иницијатива во врска со шаторите и сè друго, бидејќи сега на сите им е јасно дека сите ваши обиди, не мислам на вас лично, туку на куќата каде што работите, и на многу други во врска со какви било револуции, не успеаја. Затоа верувам дека наскоро ќе ја нормализираме барем ситуацијата на улиците, во споредба со тоа како изгледаше“, рече Вучиќ.
Од друга страна, претседателката на парламентот, Ана Брнабиќ, даде конкретно ветување на пратениците од опозицијата на средбата. „Во следните два дена ќе им биде овозможен влез до српскиот парламент“, порачаа таа.
