Trending
  • МАКЕДОНИЈА
  • БАЛКАН
  • СВЕТ
  • ПОЛИТИКА
  • ЕКОНОМИЈА
  • СПОРТ
  • ЗДРАВЈЕ
  • ЗАБАВА
  • ХОРОСКОП
  • НУТРИЦИОНИЗАМ
Reading: ЦУК: Одрони и отежнат сообраќај на повеќе патни правци
Сподели
Font ResizerAa
TrendingTrending
  • БАЛКАН
  • ЕКОНОМИЈА
  • ЗАБАВА
  • ЗДРАВЈЕ
  • МАКЕДОНИЈА
  • ПОЛИТИКА
  • СВЕТ
  • СПОРТ
  • ХОРОСКОП
  • НУТРИЦИОНИЗАМ
Trending > Blog > МАКЕДОНИЈА > ЦУК: Одрони и отежнат сообраќај на повеќе патни правци
МАКЕДОНИЈА

ЦУК: Одрони и отежнат сообраќај на повеќе патни правци

Објавено January 12, 2026 10:45
Сподели
Сподели

Од Центарот за управување со кризи информираат дека состојбата по обилните врнежи е стабилизирана во дел од регионите, но и натаму е потребно зголемено внимание, особено поради појави на одрони, поплавени земјоделски површини и непроодни локални патишта.

Во Пелагонискиот регион, во општините Битола, Могила и Новаци, водата постепено се повлекува од поплавените површини. Нивото на река Црна кај селото Новаци во 18:00 часот изнесувало 320 сантиметри. Во Демир Хисар, поради оштетување на мостот на Боишка Река, локалниот пат кон селото Мренога е затворен за сообраќај, додека во атарот на селата Жван и Единаковци сè уште има излевање на реката Црна и поплавени поголеми земјоделски површини. Во Ресен, поради поројните врнежи, беа поплавени земјоделски површини, но водата се повлекува, а извршени се интервенции за расчистување на коритото на Голема Река.

Во југозападниот регион, во Охрид, на реката Сушица е изграден заштитен насип со што е спречено понатамошно излевање, но и натаму има поплавени подруми и дворови на повеќе локации. Во струшките села Мислешево и Калишта се евидентирани поплавени дворови, подрумски простории и земјоделски површини, при што санацијата е отежната поради проблеми со истекувањето на водата. Во Дебар, реката Радика има зголемен водостој, но засега нема опасност од излевање, додека на патните правци Жировница – Дебар и Дебар – Струга се појавуваат помали одрони кои редовно се расчистуваат.

Во западниот регион, во Кичево, водостоите на Зајашка Река и реката Треска се во опаѓање и нема опасност од нови поплави. Во тек се активности за расчистување на поплавените домови, дезинфекција и создавање основни услови за престој, додека евакуираните лица се сместени во спортската сала „Христо Узунов“.

Во Вардарскиот регион, во ридско-планинските подрачја околу Кавадарци се интервенира со механизација на неколку патни правци каде снежната покривка достигнува до 15 сантиметри.

Во североисточниот регион, патниот правец од селото П’клиште до селото Герман, во општина Ранковце, е непрооден поради снежни наноси и во тек е негово расчистување, додека на делницата Герман – П’клиште сообраќајот е отежнат поради кашест снег.

Во Полошкиот регион, патниот правец Тетово – село Бањиче, каде претходно имаше падната карпа, е расчистен и сообраќајот е нормализиран. На патот Гостивар – Маврово, кај каменоломот, сè уште има одрон и се преземаат активности за негово целосно отстранување.

Од ЦУК апелираат до граѓаните да се движат внимателно, особено по регионалните и планинските патишта, и да ги следат официјалните информации од надлежните институции.

 

Сподели ја оваа статија
Facebook Whatsapp Whatsapp Email Copy Link
Сподели
Претходна Статија Самсунг Галакси С26 Ултра: Датуми на издавање, претпродажба и рецензии
Следна Статија Заштедете пари во 2026: Microsoft Office Professional за еднократна цена

БИ МОЖЕЛО ДА ВЕ ИНТЕРЕСИРА

МАКЕДОНИЈА

Тошковски бил опериран, се јави од болница

Министерот Панче Тошковски, кој во последниот период видливо отсуствуваше од јавноста, се јави денес од болница. На својот Фејсбук профил…

November 17, 2025
МАКЕДОНИЈА

Тошковски во посета на припадниците на Доброволното противпожарно друштво и Територијалната противпожарна единица во Кочани

Министерот за внатрешни работи Панче Тошковски денес при посетата на кочанскиот крај ги посети и припадниците на Доброволното противпожарно друштво…

February 8, 2025
МАКЕДОНИЈА

Владата бара генерално решение за системот ЕЕС, се водат преговори на билатерално ниво

Премиерот Христијан Мицкоски денеска одговарајќи на новинарски прашања за системот ЕЕС (за влез и излез во ЕУ) изјави дека се…

May 5, 2026
МАКЕДОНИЈА

(ВИДЕО) Претседателката Сиљановска-Давкова пред Градска болница: Не можам да поверувам како е можно ова да се случи

Претседателката Гордана Силјановска Давкова е пред Градската болница „Свети Наум Охридски“. .„Што можам да споделам? Надеж, потоа болката, млади луѓе…

March 16, 2025
Trending
contact@trending.mk

© Trending.mk  |  All Rights Reserved.

Импресум
Welcome Back!

Sign in to your account

Username or Email Address
Password

Lost your password?