Полицијата ја опколи зградата во центарот на Подгорица каде што живее бизнисменот Ацо Ѓукановиќ, брат на поранешниот претседател на Црна Гора Мило Ѓукановиќ. Зградата беше опкружена од специјални полициски единици.
Исто така, беше објавено дека во тек е претрес на имотот што го користи Ѓукановиќ во Подгорица. Се претресува и имотот што го користи во Никшиќ. Станува збор за акција спроведена по наредба на Основното државно обвинителство во Подгорица.
Ацо Ѓукановиќ се смета за еден од најбогатите луѓе во Црна Гора.
На крајот на 2006 година, тој ги купи акциите на Никшиќка банка, која една година подоцна го смени името во Прва банка Црне Горе.
