Македонското образование се соочува со сериозни промени во бројноста на учениците. Најновите податоци за почетокот на учебната 2025/2026 година откриваат загрижувачки тренд во основните училишта, каде бројот на ученици се намалил за дури 3,6 % во споредба со минатата година.
Во моментов, во 927-те основни училишта ширум државата учат вкупно 174.040 ученици, од кои само 17.921 се првачиња.
За разлика од основното, во средното образование е забележан мал „плус“. Бројот на средношколци изнесува 67.540, што е зголемување за 0,6 %. Во прва година средно се запишале 18.554 ученици, што е за нијанса повеќе од вкупниот број на годинашните првачиња.
