Актерот Сашко Коцев вчера повредил полицаец, извести скопската полиција.
Според МВР, околу 19.15 часот, во Скопје, на подрачјето на Центар, С. К., управувајќи возило „фолксваген“, не застанал на знакот за запирање даден од полициски службеник кој извршувал службени дејства, агресивно се однесувал, по што со возилото го удрил полицискиот службеник и го напуштил местото
Се преземаат мерки за расчистување на случајот.
Актерот со своја верзија на настанот. Во изјава за дел од медиумите соопшти дека воопшто не знаел дека се работи за полицајци оти биле во цивилна облека. Ги прашал „кои сте вие да блокирате“ и си заминал со возилото, на што едниот од полицајците му рекол „сега ќе видиш кој сум“. Коцев исто така потенцира дека немал намера да прегази никого.
Според изјавата, актерот бил во возилото со своето дете.
