Планираниот напад врз концертите на американската музичка ѕвезда Тејлор Свифт донесе 15 години затвор за исламист чии родители се од Македонија. Пред околу две години, концертите на Тејлор Свифт во Виена беа откажани поради најавен терористички напад.
По судењето вчера е донесена пресудата против еден од обвинетите со што 21-годишниот Австриец Беран Е. е осуден на 15 години затвор.
Поротата го прогласи 21-годишниот Австриец за виновен по сите обвиненија. Друг обвинет беше осуден на дванаесет години затвор за формирање заговор во име на џихадистичката Исламска држава (ИД).
Покрај обидот за напад на концертот на Свифт, главниот обвинет, Беран А., беше прогласен за виновен и за формирање терористичка ќелија на ИД и заговор за обид за убиство.
За време на судењето во Регионалниот суд Винер Нојштат во близина на австриската престолнина, тој сведочел за добивање инструкции од милицијата на ИД, на која се приклучил во 2023 година.
Беран ги таргетирал трите концерти на Тејлор Свифт на стадионот „Ернст Хапел“ во Виена во август 2024 година, како дел од нејзината светска турнеја „Ера“.
Откако австриските власти, со помош на американските разузнавачки агенции, го открија планираниот напад, концертите беа откажани.
Беран А. беше уапсен еден ден пред планираниот напад. Според јавното обвинителство, австрискиот државјанин со корени од Македонија планирал да нападне толпа пред стадионот, а потоа да се самоубие.
На судење со Беран А. бил и Арда К., исто така 21-годишен, кој бил осуден на дванаесет години затвор.
Според јавното обвинителство, двајцата мажи, заедно со третиот Австриец, Хасан Е., кој е затворен во Саудиска Арабија, формирале „многу опасна терористичка ќелија на ИСИС“ и веќе планирале истовремени напади во Мека, Истанбул и Дубаи во име на џихадистичката милиција на крајот од 2023 година.
Тие наводно имале намера истовремено да нападнат полицајци или безбедносен персонал на 11 март 2024 година.
