Веројатно најпознатата топка во историјата на фудбалот повторно ќе биде ставена на аукција, јавија денеска американските медиуми.
Станува збор за топката со која беше одигран натпреварот меѓу Аргентина и Англија во четвртфиналето на Светското првенство во 1986 година, кога Аргентинците победија со 2-1 со двата гола на легендарниот Диего Марадона, првиот познат како „Божјата рака“, а вториот прогласен за гол на векот.
„Оваа топка беше сведок на најпознатата контроверзност и најпознатото ремек-дело во историјата на фудбалот“, објави американската аукциска куќа „Херитиџ аукшнс“ со седиште во Далас.
Аукцијата ќе се одржи од 21 до 23 август. Почетната цена е 2,5 милиони долари, а топката се очекува да достигне цена од најмалку десет милиони долари.
Топката од натпреварот Аргентина-Англија со децении беше во посед на Тунижанецот Али Бин Насер, кој беше главен судија на четвртфиналето во Мексико Сити и ја задржа топката по натпреварот.
Со независна експертиза подоцна беа потврдени неговите тврдења дека станува збор за оригиналната топка со која Марадона ѝ ја донесе победата над Англија.
Во 2022 година, топката беше продадена на аукција во Лондон за 2,3 милиони евра
