Балканската ѕвезда Лепа Брена се најде на насловната страница на балканското издание на модниот магазин Vogue, Vogue Adria.
За познатото списание таа даде и интервју, дополнето со впечатлива фотосесија, а фотографиите се толку моќни што оставаат без здив, коментираат читателите.
Брена позира во авион, на јахта, ја покажува својата еластичност на 64 години. Фотографирана е во облека која потсетува на нејзиниот албум и на песната „Ајде да се сакаме“, како танцува со полугол маж, додека е на масажа или на третмани за убавина.
– На помладата верзија на Брена би ѝ кажала дека животот е фантастичен, но и дека сè има своја цена – изјави пејачката за познатиот магазин.
Таа раскажува дека и требале многу сила и мудрост да остане ничија и смета дека тоа е нејзиниот најголем успех.
