Судењето на Брајан Волш, обвинет за убиството на Ана Волш од Белград, беше одложено за 2 декември, бидејќи одбраната бараше повеќе време да се запознае со доказите. Целиот случај е обвиен со мистерија, а се очекува на крајот на октомври да бидат доставени резултатите од ДНК анализата на пронајдените предмети, како на депонијата, така и при претресот на нивниот семеен дом. Овие резултати би можеле да го расветлат целиот случај, иако телото на белграѓанката се уште не е пронајдено.
Имено, при претресот на куќата полицијата пронашла крвава пила и церада. Во контејнер во близина на домот на мајката на Брајан Волш, инспекторите пронајдоа кеси со ѓубре во кои имало килими, средства за чистење, дел од ѓердан што таа го носела, крпи и картичка за вакцина против СОВИД-19 со нејзиното име.
Се очекува ДНК анализата конечно да стави крај на одредени прашања поврзани со случајот Ана Волш. Всушност, одржливоста на целиот случај пред судот зависи од ДНК анализата бидејќи телото се уште не е пронајдено.
Според медиумите во Бостон, случајот со убиството на Ана Волш е еден од најинтригантните во оваа област во последните години. Брајан Волш прво ја пријавил Ана за исчезната, но дури откако го контактирале нејзините колеги, за потоа да биде обвинет за нејзиното убиство. На судењето тој се изјасни за невин по сите точки од обвинението. Сепак, обвинителството тврди дека Брајан ја убил Ана во нивниот дом во Кохасет рано на Нова година, а потоа и го распарчил телото и го фрлил во ѓубре.
Телото на Ана Волш, мајка на три момчиња, сè уште не е пронајдено.
Кобната ноќ, Брајан барал информации преку iPad на нивниот син како да го отстрани телото.
Миланка Љубичиќ, мајката на исчезнатата Ана, претходно за српските портали изјави дека како родител не смее да губи надеж дека нејзината ќерка е жива.
„Информациите што ги слушнав за тој инспектор ми даваат малку надеж како родител дека Ана е жива и дека едноставно некаде се сокрила. Има уште некои шанси Ана да ми се врати. Морам да кажам дека во еден период, во 16 месеци, во три наврати бев со Ана и Брајан, никогаш не слушнав дека се скарале, ниту дека имале некаков проблем. Немаше ниту еден грд збор“, изјави тогаш Миланка.
Истакнува дека ја убива тоа што целиот случај одамна не е мрднат од мртва точка, односно дека и предизвикува вознемиреност.
„Мојата Ана ја нема веќе 19 месеци и не знаеме што да правиме. Два пати разговаравме со обвинителството, јас и мојата постара ќерка. Првиот пат ни се јави една убава госпоѓа и не извести дека Ана исчезнала. Веднаш потоа следеше нов шок, ни се јави господин и објави дека нашата Ана повеќе не ја нема, туку дека е убиена. Но, никој од обвинителството никого не ни презентираше такви докази за тоа. Не можам да се одморам додека не ја дознаам вистината. Секоја нова информација и секој нов збор до нас, кои толку долго ја чекавме Ана, само ја продлабочува болката и неизвесноста“, изјави мајката на Ана Валш, Миланка Љубичиќ.
