Џорџио Армани, основачот на истоимениот италијански моден бренд, во интервју објавено денеска изјави дека планира да се пензионира во следните две или три години.
Армани има 90 години и досега не зборувал за неговите планови да ја напушти компанијата што ја основаше во 1975 година и сè уште цврсто ја контролира.
„Сè уште можам да си дадам две или три години на чело на компанијата. Нема повеќе, тоа не би било добро“, изјави тој за италијанскиот весник „Кориера дела Сера“.
Армани рече дека има немирни ноќи сонувајќи за иднината во која тој повеќе не мора да биде тој што ќе каже да или не.“ Тој додаде дека добил „малку поупорни“ предлози од потенцијални надворешни инвеститори во неговата компанија, но сè уште не донел одлука.
Бидејќи нема деца на кои може да им го даде во наследство, се шпекулираше за долгорочната иднина на империјата Армани и дали во индустријата во која доминираат луксузни конгломерати како што се LVMH и Kering, тој ќе може да ја одржи независноста што ја цени.
Во интервју за Corriere della Sera, Армани рече дека изградил „некаков вид структура, проект, протокол“ за да управува со неговото наследство, без да даде конкретни детали.
Минатата година Ројтерс објави документ што го има нотар во Милано, кој ги поставува идните принципи на управување за оние кои ќе ја наследат компанијата и друг документ во кој се детализирани прашањата како што е заштитата на работните места во компанијата.
Се очекува меѓу наследниците на Армани да се вклучат неговата сестра, уште тројца членови на семејството кои работат во компанијата, долгогодишниот соработник и партнер Панталео Дел Орко и добротворна фондација.
