Командантот на естонските одбранбени сили, генерал-мајор Андрус Мерило, претстави радикална одбранбена стратегија за Естонија во случај на конфликт со Русија. Во интервју за финските медиуми, Мерило предложи евакуација на населението во Финска и планирање на уништување на естонските градови со цел да се спречи напредувањето на непријателот. Мерило истакна дека Естонија мора да биде подготвена за најлошите сценарија, вклучувајќи ја и можноста целата земја да стане зона на непријателски дејствија.
Според него, приоритет е евакуацијата на луѓето надвор од опасната зона, а Финска е логичен избор поради близината и поморската поврзаност. Доколку дојде до конфликт, естонската армија, рече тој, би можела намерно да ја уништи сопствената инфраструктура за да ја направи неупотреблива за непријателот.
Мерило го наведе примерот на градот Нарва, нагласувајќи ја потребата да се подготви за сценарио во кое градските улици и инфраструктура стануваат непроодни.
Нашата задача е да ја направиме нашата земја недостапна за непријателот, дури и ако тоа значи уништување на нашите сопствени градови“, рече Мерило.
