Според професорот Гордан Калајџиев, поранешниот вицепремиер Артан Груби не можел да биде уапсен на граничниот премин со Косово, откако власта и опозицијата побараа Министерството за внатрешни работи да одговори како се случило тој да ја помине границата без да биде уапсен.
Груби не можел да биде приведен при преминување на границата без судска одлука. Полициските мерки како ‘стоп листа’ или распис се во спротивност со Уставот и ЗКП!, напиша Калајџиев на Фејсбук.
Вчера, МВР информира дека се преземени дисциплински мерки за двајца полициски службеници од граничниот премин „Долно Блаце“ во врска со преминувањето на Груби на државната граница.
