Ракометната репрезентација на Македонија беше на прагот на победа, но одигра реми (27-27) против големиот фаворит Унгарија на почетокот на Светското првенство. Имавме напад за триумф, водство и меч-топка, но не ја реализиравме, а Унгарија знаеше да се извлече и да израмни за еден освоен бод.
Капитенот Филип Кузмановски блескаше, постигна десет гола, диригираше во нападот со својот тим, и жали што не успеавме да стигнеме до триумф.
Требаше да победиме. Сега жалиме за триумфот, навистина ги имавме в раце Унгарците, но на крајот направивме грешка во нападот, а тоа Унгарија го искористи да израмни. Но, мора да бидеме горди на тоа што го одигравме на почетокот на Светското првенство. Сега треба да се одмориме добро и да размислуваме за следниот противник Холандија“, изјави Филип Кузмановски.
