Селекторот на македонската ракометна репрезентација Кирил Лазаров одлучи да не го повика досега стандардниот Филип Талески, играч на Бенфика, а во составот го нема ниту Мартин Томовски.
На голот на македонската репрезентација се враќа искусниот Никола Митревски, а својата шанса покрај него ќе ја чекаат Марко Кизиќ и Иван Галевски.
Се одлучив за Митревски, Кизиќ и за Галевски поради подобра форма и поголема минутажа која ја имаат во овој момент. Томовски е одличен голман и сигурен сум дека за брзо време ќе ја врати неговата форма – објасни Лазаров, пренесе СпортСпорт.
Што се однесува до левата бековска позиција, предводникот на нашиот најдобар национален тим е убеден дека Кузмановски и Атансијевиќ не само што се во подобра форма, туку и двајцата играат во два правци во нивните клубови.
– Талески на последните две првенства, на бараж натпреварот за СП и вклучувајќи ги и пријателските натпревари имаше слаби изданија. Токму затоа се решив за Кузмановски и за Атанасијевиќ – изјави Лазаров.
