Револтот на лекарите и вработените во Детската болница „Козле“ не завршува. Поплаките почнаа кога беше избрана новата директорка, Каролина Симоновска, на која се жалат вработените. Меѓу многуте загрижености, во отвореното писмо упатено до Премиерот и Министерот за здравство, група лекари ја изразуваат својата загриженост дека новата директорка го уништува Кабинетот за бронхоскопија, каде по несогласувањата, дојде до низа оставки и отпуштања на стручен кадар.
Медицинскиот персонал во детската болница „Козле“ со отворено писмо упатено до премиерот Христијан Мицковски и министерот за здравство Арбен Таравари. Бараат разрешување на директорката на „Козле“, Каролина Симоновска, како што велат со своите постапки ја уништува болницата каде има голем број оставки и откази.
Во писмото се наведува и дека незаконски се разрешени внатрешните членови на Управниот одбор, вработените се отпуштени за време на боледување, директорот ги попречувал законските права на вработените, забранува поднесување претставки и навремено доставување на потребни документи при Државната комисија од втор степен. Постојано ги обвинува колегите за организациска неспособност, невнимателна работа.
Во екот на сезоната на респираторни инфекции, го намали бројот на дежурства, постојано вршеше психолошки притисок и мобинг врз лекарите и другиот персонал, се вели меѓу другото во писмото на вработените во болницата „Козле“. Во меѓувреме реагираше директорката Симоновска која истакна дека нема отпуштања и дека клиниката работи со целосен персонал. Се вели дека реакцијата доаѓа од мала група поединци кои само ги гледаат своите интереси.
Стручниот колегиум на детската клиника и директорката со демант, тврдат дека се работи за политички мотивирани обвинувања од мала група поединци во клиниката.
Демант од Директорката на Детска клиника:
Клиниката е комплетно екипирана, сите оддели работат непречено и за прв пат после 7 години амбулантите ги покриваат лекари специјалисти педијатри во тек на 24 часа. Во Бронхоскопскиот кабинет непречено се реализираат дијагностички и терапевтски бронхоскопски процедури од страна на стручни и специјализирани кадри.
