Одамна е познато дека Мајкл Џордан е голем љубител на автомобили.
Неговата колекција вклучува некои од најексклузивните Ferrari на сите времиња, како Daytona SP3, 812 Competizione и J50. Но, поранешната ѕвезда на Чикаго Булс додаде ново престижно име на листата.
Pininfarina Battista, електричен хипер-GT со 1903 КС, сега стана дел од скапата колекција на Џордан. И овде, Џордан беше невообичаен, нарачувајќи го единственото парче наречено Таргамерика, кое првпат беше видено минатиот август на неделата на автомобили во Монтереј.
Automobili Pininfarina на своите социјални мрежи го објави моментот на испорака на скапиот автомобил на Мајкл Џордан.
Така е овековечен моментот кога Мајкл Џордан ги добива клучевите од своето ново возило, персонализирано во секој поглед.
Таргамерика се одликува со отсуство на покрив. Направените модификации не ги променија оригиналните линии на Батиста, иако беа потребни значителни структурни прилагодувања за да се одржат перформансите на автомобилот. Задржани се боите на Testarossa Spider, со каросерија во Liquid Silver, збогатена со Iconica Blue детали, особено во долниот дел.
Активниот заден спојлер исто така го задржува стилот на оригиналната верзија, но со нов детал: долниот дел е рачно доработен во Iconica Blu, ексклузивен за овој модел.
Посебна преграда за пурите на Џордан
Нивото на персонализација на Pininfarina е дефинирано во тесна соработка со сопственикот.
Battista има алуминиумски тркала со пет краци инспирирани од Testarossa на Ањели, опремени со триаголни дупки во близина на центарот, што ги стави на тест инженерите на Pininfarina за да се осигура безбедноста.
Друга нова карактеристика е преградата за пури помеѓу седиштата, опремена со овлажнител и променливо осветлување во зависност од режимот на возење.
Battista Targamerica го задржува електричниот погон со четири мотори со вкупна моќност од 1903 КС и 2340 Nm, кој може да забрза од 0 до 100 km/h за 1,86 секунди и да достигне максимална брзина од 350 km/h.
А цената? Не е објавено, но секако повеќе од 2,5 милиони фунти се потребни за паркирање на основниот Батиста во гаража.
Michael Jordan revealed as mystery buyer of custom-made $2m sports car designed for NBA legend only https://t.co/NH8vKar2WJ
— Mail Sport (@MailSport) October 5, 2024
