Поранешниот светски рекет број еден, Даниил Медведев се надева дека ќе ја запре доминацијата на младите Јаник Синер и Карлос Алкараз, објавија медиумите.
Русинот беше елиминиран на три минатогодишни Гренд слем турнири од двајцата, а Синер го победи во финалето на Австралија опен и четвртфиналето на УС Опен. Алкараз го елиминираше во полуфиналето на Вимблдон на патот до титулата.
По неговиот успех во Њујорк во 2021 година, Медведев не успеа да освои втора Гренд слем титула. Поразот од пет сета во Мелбурн од Синер пред една година беше негов трет во финалето на турнирот.
-Во 2024 година, Карлос и Јаник ме победија многу пати. Многу пати бев во добра позиција, но не можев да победам, изјави Медведев пред новинарите во Мелбурн.
Медведев е петти носител на турнирот во Мелбурн и на отворањето ќе игра против Касидит Самреи од Тајланд, кој пристигнува со вајлд-карта.
Русинот пристигна доцна во Мелбурн бидејќи мораше да биде дома за раѓањето на своето второ дете и нема играно на официјален натпревар од поразот од Синер на АТП финалето. Сепак, тој не е загрижен поради недостатокот на натпревари и тренинзи на почетокот на годината.
-Се чувствувам одлично пред почетокот на сезоната и се радувам на тоа, изјави 28-годишниот тенисер.
