Италијанскиот тенисер Јаник Синер е освојувач на мастерс турнирот во Шангај откако во големото финале го совлада Новак Ѓоковиќ со 2-0 во сетови. Синер покажа дека во моментов е најдобриот тенисер во светот.
Во првиот сет имаше голема борба, двајцата тенисери лесно ги добиваа своите сервиси, па тајбрејкот решаваше. Во него Синер беше подобар со 7-4 за водство од 1-0 во сетови.
Првиот брејк се случи во вториот сет кога Новак Ѓоковиќ загуби свој сервис, Синер го доби сетот со 6-3 и дојде до победа од 2-0.
