УХМР информира дека утре ќе се задржи сончево и топло време, но задутре, недела, под влијание на влажна и постудена воздушна маса од север, ќе настапи позначителна промена. Ќе има повремени врнежи од дожд со локална појава на грмежи и силен ветер.
Во понеделник ќе биде променливо облачно со сончеви периоди, ќе дува засилен северен ветер, а дневната температура значително ќе се намали, за 8 до 10 степени. Потоа, во следните два дена, времето ќе биде сончево со ниски утрински температури, а дневните ќе бидат во постепен пораст.
Во Скопје утре ќе се задржи сончево и топло време. Во недела ќе има повремени врнежи од дожд, локално со појава на ретки грмежи и силен ветер. Во понеделник времето ќе биде променливо облачно и посвежо со сончеви периоди и со засилен северен ветер.
