Trending
  • МАКЕДОНИЈА
  • БАЛКАН
  • СВЕТ
  • ПОЛИТИКА
  • ЕКОНОМИЈА
  • СПОРТ
  • ЗДРАВЈЕ
  • ЗАБАВА
  • ХОРОСКОП
  • НУТРИЦИОНИЗАМ
Reading: Протести по улиците на Братислава и другите словачки градови: „Словачка не е Русија“
Сподели
Font ResizerAa
TrendingTrending
  • БАЛКАН
  • ЕКОНОМИЈА
  • ЗАБАВА
  • ЗДРАВЈЕ
  • МАКЕДОНИЈА
  • ПОЛИТИКА
  • СВЕТ
  • СПОРТ
  • ХОРОСКОП
  • НУТРИЦИОНИЗАМ
Trending > Blog > СВЕТ > Протести по улиците на Братислава и другите словачки градови: „Словачка не е Русија“
СВЕТ

Протести по улиците на Братислава и другите словачки градови: „Словачка не е Русија“

Објавено January 11, 2025 10:00
Сподели
Сподели

Илјадници луѓе излегоа синоќа на улиците на Братислава и другите градови низ Словачка за да го покажат своето противење на приближувањето на словачката Влада кон Москва и покрај руската инвазија на Украина.

Словачкиот премиер Роберт Фицо, националист и еден од ретките сојузници на Кремљ во Европската унија, ги зајакнува врските со Москва и ја суспендираше сета воена помош за Украина откако се врати на власт во октомври 2023 година, наведуваат француските медиуми.

Тој неодамна ја посети руската престолнина за да се сретне со претседателот Владимир Путин по одлуката на Украина да го прекине транзитот на руски гас преку нејзината територија, што ја снабдува Европа преку Словачка.

„Ова е Европа!“, „Ајде да се срамиме од Фицо!“, „Нема да ја дадеме Словачка“, скандираа илјадници демонстранти на централниот плоштад во Братислава.

Владислав Кмец, 49-годишен учител, изјави дека е загрижен за иднината на Словачка. „Ова не оди добро. Идеално би било оваа влада да биде соборена и да се одржат предвремени избори“, рече тој.

„Свртувањето кон исток е голем чекор наназад“, рече Даниела Краликова, исто така демонстрантка. „Насоката во која оди нашата земја е неприфатлива. . .

Јас сум некој кој верува во напредок и не се согласувам да се враќам во минатото“, додаде оваа 26-годишна жена која организира конференции.

Движењето наречено „Мир за Украина“ на Фејсбук напиша дека организира протести на тема „Словачка е Европа“ со цел да покаже дека земјата „не е Русија, туку е демократска и суверена држава“.

Локалните медиуми јавија за протести во десетина словачки градови.

Коорганизаторката на протестите Луција Стаселова рече дека владата на Фицо „ја вовлекува Словачка во руската зона на влијание и се обидува да ги прекине врските со нашите сојузници, претпочитајќи добри односи со Русија“.

Фицо вчера во словачкиот Парламент рече дека рускиот претседател Владимир Путин му ветил руски гас за Словачка.

Европа продолжува да прима руски гас преку гасоводот Турски тек, како и течен гас што се транспортира по морски пат.

Фицо и се закани на Украина, по затворањето на гасоводот што минува низ нејзина територија, дека за возврат ќе го прекине снабдувањето со електрична енергија на оваа земја која е во војна и чија енергетска инфраструктура е цел на руски бомбардирања, како и хуманитарна помош.

Тој, исто така, се закани дека ќе ја прекине помошта за украинските воени бегалци на територијата на Словачка.

Сподели ја оваа статија
Facebook Whatsapp Whatsapp Email Copy Link
Сподели
Претходна Статија Конечно дишеме – ветрот го прочисти воздухот
Следна Статија Диало ќе остане во Јунајтед уште пет години

БИ МОЖЕЛО ДА ВЕ ИНТЕРЕСИРА

СВЕТ

(Видео) Социјалните мрежи преполни со поздравите на Маск

Извршниот директор на „Тесла“ и „Спејс Икс“, Илон Маск, удри во градите со десната рака и ја подигна во воздух…

January 21, 2025
СВЕТ

НАСА: Се намалуваат шансите дека опасниот астероид ќе ја погоди земјата

Астероидот IR4, неодамна откриен од астрономите, сега има само 1,5 отсто шанси да удри во Земјата во 2032 година, процени…

February 22, 2025
СВЕТ

Го обожавам мирисот на депортации: Трамп му се заканува на Чикаго со Националната гарда

По неколку недели предупредувања дека Чикаго би можел да биде следниот град во САД што ќе ја види Националната гарда…

September 7, 2025
СВЕТ

Украинците тврдат дека не се опколени во Курск

Украинската армија ги отфрли тврдењата на рускиот претседател Владимир Путин дека украинските сили во руската област Курск се опколени од…

March 14, 2025
Trending
contact@trending.mk

© Trending.mk  |  All Rights Reserved.

Импресум
Welcome Back!

Sign in to your account

Username or Email Address
Password

Lost your password?