РЕК Битола работи со два блока откако, како што велат од раководството на комбинатот, вториот блок е исклучен од мрежа поради лошо изведен ремонт. Станува збор за интервенција врз собирникот и транспортерот за несогорени фрагменти од јаглен.
Од ЕСМ соопштија дека вториот блок се очекува најдоцна во вторник наутро да биде вклучен и синхронизиран на мрежа. Раководството на РЕК во четвртокот соопшти дека ден претходно, од средата, комбинатиот работи со целосен капацитет, односно дека трите блока произведуваат струја.
