Кристијано Роналдо даде интервју за шпански El Chiringuit непосредно пред неговиот 40-ти роденден. Рече дека е најдобриот фудбалер во историјата.
„Досега сум постигнал 923 гола, но не ми е важно дали ќе постигнам 930, 950 или што и да е во кариерата. Ако успеам да постигнам 1.000, одлично. Ако не, и тоа е во ред. Но, бројките не лажат, јас сум најдобриот фудбалер во историјата!
Играчот на саудиски Ал Наср продолжи: „Можеби повеќе ги сакате Пеле, Меси или Марадона. Јас го разбирам тоа и го почитувам, но јас сум најдобриот и најкомплетниот играч досега. Не сум видел подобар фудбалер од мене. Јас сум добар изведувач на слободни удари, шутирам добро со лева и десна нога… Брз сум, силен, многу скокам… Да се каже дека Роналдо не е комплетен фудбалер… Нема покомплетен фудбалер од мене“.
Роналдо откри дека бил блиску до преселба во Барселона: „Кога сè уште бев во Спортинг Лисабон, Барселона сакаше да ме доведе. Имаше договор за трансфер според кој ќе одам таму една година подоцна. Но, потоа дојде Манчестер Јунајтед и веднаш ме зема“.
Сепак, тој играше многу пати во Барселона, но како ѕвезда на нејзиниот најголем ривал: „Обожав да играм на Камп Ноу. Сосема посебна аура, енергија. Ме исвиркуваа, ме навредуваа, а јас тоа го сакав и редовно постигнував голови таму против Барса“.
Роналдо истакнува: „Бев најсреќен во Реал Мадрид, тој клуб и град се засекогаш во моето срце“, но објаснува и зошто решил да замине од таму во Јувентус: „Сакав нов предизвик, ново поглавје во мојот живот. Му кажав на претседателот Перез дека сакам да одам и тој го прифати тоа во тоа време.
Но, во текот на преговорите за моето заминување, тој не се согласуваше толку добро со мене. Го разбирам, бидејќи секогаш го прави тоа. Тој сакаше да се вратам, но не можев бидејќи веќе му кажав на Јувентус дека доаѓам“.
