Русија смени висок командант од функцијата поради лажни тврдења за напредокот на војната во делови од источна Украина, објавија руските медиуми.
Генерал-полковник Генадиј Анашкин, командантот на групата Јужни сили, е разрешен откако дал погрешни информации за рускиот напредок во близина на населбата Сиверск во источниот регион Доњецк, пренесе Си-Ен-Ен.
Руските медиуми ја објавија смената на Анашкин, повикувајќи се на неименувани извори во руското Министерство за одбрана кои рекоа дека тој бил отстранет како дел од планираната ротација. Нема официјална потврда од руските власти.
Некои воени блогери тврдат дека лажните извештаи на неколку команданти за ситуацијата на теренот довеле до големи загуби меѓу руските единици.
Руското Министерство за одбрана не ги коментира извештаите.
